ثاقب نثار چيف جسٽس آف ان جسٽس آف پاڪستان هو، کيس خبر آهي ته ان جا سمورا فيصلا اداري جي توهين جو سبب بڻيا، عمران نيازي ملڪي تاريخ جو پهريون صادق ۽ امين آهي جيڪو پورو ڊڪليئر نه ٿيو، هي والد به اڌ ۽ صادق ۽ امين به اڌ آهي: مريم اورنگزيب

اسلام آباد – 14 – مارچ (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته ثاقب نثار چيف جسٽس آف ان جسٽس آف پاڪستان هو، کيس خبر آهي ته ان جا سمورا فيصلا اداري جي توهين جو سبب بڻيا، عمران نيازي ملڪي تاريخ جو پهريون صادق ۽ امين آهي جيڪو پورو ڊڪليئر نه ٿيو، هي والد به اڌ ۽ صادق ۽ امين به اڌ آهي، چيف اليڪشن ڪمشنر ۽ سيڪريٽري اليڪشن ڪميشن کي ڌمڪيون ڏيندڙ اڄ چوي ٿو ته اسان اليڪشن ڪميشن سان گڏ بيٺل آهيون، جيڪڏهن اڄ پي ٽي آءِ وارا اليڪشن ڪميشن سان گڏ بيٺل آهن ته پوءِ اهي اليڪشن ڪميشن جي ممنوعه فنڊنگ ڪيس ۽ توشه خانه ڪيس جي فيصلن سان به گڏ بيٺل آهن جيڪي اهي ڊڪليئر نه ٿا ته عمران خان خيرات جا پئسا سياست جي لاءِ استعمال ڪيا، پنهنجي چپڙاسين جي ذريعي فارن فنڊنگ گهرائي، توشه خانه مان تحفا چوري ڪيا، پنهنجي اختيارن جو ناجائز استعمال ڪري توشه خانه جي پاليسي تبديل ڪئي. پريس ڪانفرنس کي خطاب ڪندي اطلاعات واري وفاقي وزير چيو ته وزيراعظم محمد شهباز شريف سمورن صوبن کي رمضان المبارڪ دوران مفت اٽي جي فراهمي جو بندوبست ڪرڻ جي هدايت ڪئي آهي، پنجاب حڪومت وزيراعظم جي هدايت تي يوٽيلٽي اسٽورز جي ذريعي مفت اٽو غريب ماڻهن کي فراهم ڪرڻ جي شروعات ڪئي آهي. وزيراعظم مفت اٽي جي فراهمي کي شفاف طريقي سان ممڪن بڻائڻ جي لاءِ ڪميٽي جوڙي ڇڏي آهي جيڪا ان پوري عمل جي نگراني ڪندي، صوبائي سطح تي به مانيٽرنگ شفاف طريقي سان ٿيندي. هن چيو ته مفت اٽو پئڪيج جي نگراني وزيراعظم پاڻ ڪري رهيو آهي. هن چيو ته پنجاب ۾ 8 ڪروڙ ماڻهن کي مفت اٽو فراهم ڪيو ويندو، ان ۾ وڌيڪ اضافو ٿيڻ جي اميد آهي. اطلاعات واري وفاقي وزير چيو ته حڪومت هڪ اهڙي وقت ۾ غريب عوام کي مفت اٽي جي فراهمي جو پئڪيج ڏئي رهي آهي جڏهن عمران خان جي شروع ڪيل آء?? ايم ايف پروگرام سان حڪومت جا هٿ ٻڌل آهن. هن چيو ته عمران خان جي سياست کي پاڪستان جي عوام رد ڪري چڪي آهي، ان کي پاڻ کي به خبر آهي ته ان جي غليظ ۽ گهٽيا سياست ختم ٿي چڪي آهي، جنهن وقت عمران خان جي خلاف بي اعتمادي رٿ پيش ٿي رهي هئي ان وقت هي بند ڪمري ۾ ويهي چيف آف آرمي اسٽاف کي منٿون ڪري رهيو هو ۽ جڏهن ان جي ڳالهه نه مڃي وئي ته هن سائفر تي کيڏڻ جي سازش ڪئي. عمران خان بي اعتمادي رٿ کي ڪڏهن عالمي سازش قرار ڏنو، ڪڏهن چيو ته آمريڪا سازش ڪئي آهي ۽ پوءِ اها سازش جي ڪهاڻي جنرل باجوه کان ٿيندي اها محسن نقوي تي ختم ٿي. هن ان تي آمريڪا کان معافيون پڻ ورتيون. هن چيو ته انهي سائفر جي ڪهاڻي تي هن قومي اسيمبلي ٽوڙي، سپريم ڪورٽ ان تي فيصلو ڏنو ته قومي اسيمبلي غلط ٽوڙي وئي آهي، پارليامينٽ ٻيهر بحال ٿي. هن چيو ته عمران خان ملڪ کي چار سال معاشي تباهي جي ور چاڙهيو، هن مارچ 2022ع ۾ پيٽرول تي سبسڊي ڏئي آء?? ايم ايف پروگرام معطل ڪري ڇڏيو ۽ ملڪ کي ڏيوالپڻي جي ويجهو پهچائي ڇڏيو هو، اسان آء?? ايم ايف کي ٻيهر ميز تي آندو، ٻوڏ دوران پاڪستان جي عوام کي ريليف ڏيڻ جي لاءِ شهباز شريف آء?? ايم ايف سان ٻيهر ڳالهه ٻولهه شروع ڪئي ۽ چيو ته اسان توهان جي سخت شرطون نه ٿا مڃي سگهون. هن چيو ته اڄ ملڪ ۾ مهانگائي جي حالتن جو ذميوار عمران خان آهي. هن چيو ته عمران خان پاڻ اسيمبليون ٽوڙيون ۽ ان کانپوءِ چيو ته لانگ مارچ ڪري رهيو آهيان. هن لانگ مارچ ۾ پنهنجو پاڻ کي گولي لڳرائي، هڪ ماءُ جي هنج اجڙي، ان جي ڪنٽينر سان ٽڪر لڳي هڪ صحافي صدف شهيد ٿي. پوليس ڪانسٽيبل کي ان جي عهديدار جي گهر مان گولي لڳي، ان جا 6 ٻار يتيم ٿيا. هن چيو ته ظل شاهه جي ڊيڊ باڊي راجا شڪيل جي گاڏي ۾ وجهي اسپتال پهچائي وئي، راجا شڪيل کي زمان پارڪ ۾ پناهه ڏئي رکي هئي، سڀني کي خبر هئي ته ٻه ڏينهن اڳ اها ڪارروائي ٿي آهي، ياسمين راشد کي به خبر هئي پر هن ڪنهن کي ان بابت آگاهه نه ڪيو ۽ هن شخص ان جي لاش تي به سياست ڪئي. اطلاعات واري وفاقي وزير چيو ته هن شخص کي خبر آهي ته ان جي غليظ سياست دفن ٿي چڪي آهي، هي ناڪام ٿي چڪو آهي، سائفر کان ان جي ڪهاڻي شروع ٿي ۽ هاڻي لاشن جو منتظر آهي ته ڪو لاش ملي جنهن تي هو پنهنجي سياست ڪري. هن چيو ته پي ٽي آءِ جي ڪالهه ننهي مني ريلي نڪتي، عوام ان کي رد ڪري ڇڏيو، هي پنهنجي ريلي ۾ پاڻ بلٽ پروف گاڏين ۾ ويهي تقريرون ڪندو رهيو. هن چيو ته عمران خان کي جڏهن عدالت گهرائي ٿي ته هي عدليه تي حملي آور ٿئي ٿو ۽ جڏهن ان کي ڇوٽ ملي وڃي ٿي ته هي خاموش ٿي وڃي ٿو. هن چيو ته اڄ به عدالت مان وارنٽ جاري ٿيا ۽ پوءِ معطل به ٿي ويا. هن چيو ته عمران خان تحريڪ جي لاءِ ته تيار آهي پر عدالت جي لاءِ بيمار ۽ بزرگ، ان کان ممنوعه فنڊنگ، خيرات جا پئسا سياست ۾ لڳائڻ، ڌيءَ ٽيريان، توشه خانه جي چوري جو پڇيو پيو وڃي، جيڪڏهن هن چوري ناهي ڪئي ته عدالت ۾ پيش ٿي جواب ڏئي ڇڏي. هن چيو ته اسان جي پهرين حڪومت آهي جنهن توشه خانه جو پورو رڪارڊ پبلڪ ڪري ڇڏيو آهي ۽ هي ماڻهو ان کي تڪراري بڻائڻ جي ڪوشش ڪري رهيا آهن ته توشه خانه جو رڪارڊ پبلڪ ٿيڻ سان ملڪي لاڳاپا خراب ٿين ٿا. هن چيو ته عمران خان وٽ هاڻي وڪڻڻ جي لاءِ ڪا ڪهاڻي نه آهي، سائفر جي ڪهاڻي ختم، لانگ مارچ ختم، جيل ڀريو تحريڪ ختم، عدليه کان بچو تحريڪ ختم، هاڻي ڇا وڪرو ڪندو؟ هن چيو ته توشه خانه مان شيءَ کڻي رکڻ ۽ چوري ڪرڻ ٻه مختلف شيون آهن. قانون موجب جيڪڏهن ڪو تحفو توشه خانه جي ر??لز موجب رکيو وڃي ته اهو غيرقانوني نه آهي پر جيڪڏهن توهان کي ڪو تحفو ملي ۽ ان کي ڊڪليئر نه ڪريو، ان جا پئسا توشه خانه ۾ جمع نه ڪرايو ۽ اهو تحفو وڪرو ڪري ڇڏيو ته اهو ڪڌو ڏوهه آهي. هن چيو ته عمران خان توشه خانه جا قانون تبديل ڪيا، توشه خانه مان چوري ڪئي ۽ تحفو وٺي ڊڪليئر نه ڪيو جيڪو سگين ڏوهه آهي، جيڪڏهن عمران خان اهو ڏوهه ناهي ڪيو ته عدالت ۾ پيش ٿئي ۽ جواب ڏئي ڇڏي. اطلاعات واري وفاقي وزير چيو ته پي ٽي آءِ سوشل ميڊيا تي مسلسل ڪوڙ ڳالهائي ٿي، عمران خان کي پنهنجي سوشل ميڊيا ٽيم کي تفصيل ڏيڻ گهرجن ته مون توشه خانه مان گهڙي چوري ئي ۽ وڪرو ڪرڻ کانپوءِ قانون تبديل ڪري پئسا جمع ڪرايا. هن چيو ته تحفن جون جعلي رسيدون ٺاهي ان کي وڪرو ڪرڻ کانپوءِ پئسا جمع ڪرائڻ ڏوهه آهي. اطلاعات واري وفاقي وزير چيو ته جيڪو شخص اليڪشن ڪميشن جي توهين جي ڪيس ۾ اندر ويو اڄ اهو چئي رهيو آهي ته اسان اليڪشن ڪميشن سان گڏ بيٺل آهيون. فواد چوڌري چيف اليڪشن ڪمشنر ۽ سيڪريٽري اليڪشن ڪميشن جي ٻارن کي قتل ڪرڻ جي ڌمڪي تي جيل ويو هو، اڄ اهي ڌمڪيون ڏيندڙ چئي رهيو آهي ته هو اليڪشن ڪميشن سان گڏ بيٺل آهن. اطلاعات واري وفاقي وزير ان موقعي تي چيف اليڪشن ڪمشنر جي حوالي سان عمران خان جي تبديل ٿيندڙ بيانن جي وڊيو پڻ صحافين کي ڏيکاري. هن چيو ته جيڪڏهن اڄ پي ٽي آءِ وارا اليڪشن ڪميشن سان گڏ بيٺل آهن ته پوءِ اهي اليڪشن ڪميشن جي ممنوعه فنڊنگ ڪيس ۽ توشه خانه ڪيس جي فيصلن سان به گڏ بيٺل آهن جيڪي هي ڊڪليئر ڪن ٿا ته عمران خان خيرات جا پئسا سياست جي لاءِ استعمال ڪيا، پنهنجي چپڙاسين جي ذريعي فارن فنڊنگ گهرائي، توشه خانه مان تحفا چوري ڪيا، پنهنجي اختيارن جو ناجائز استعمال ڪري توشه خانه جي پاليسي تبديل ڪئي. هن چيو ته اليڪشن ڪميشن جي سڀني فيصلن سان گڏ اڄ پاڪستان تحريڪ انصاف بيٺل آهي ۽ اهو تسليم ڪري ورتو آهي ته عمران خان فارن ايجنٽ به آهي ۽ چور به. اطلاعات واري وفاقي وزير چيو ته اڳوڻو چيف جسٽس ثاقب نثار پاڪستان جي عوام کي ڊيم فول بڻائي ويو، اڄ هو چوي ٿو ته مون کي بابا ڊيم ڇو چيو وڃي ٿو ان لاءِ ته توهان پاڪستان جي عوام ۽ ٻارن جو مستقل اونداهون ڪيو آهي. توهان پاڻ چيو ته توهان عمران خان سان ملندا هئا. اطلاعات واري وفاقي وزير سوال ڪيو ته توهان ڪهڙي حيثيت سان عمران خان سان ملندا هئا، توهان جو ڪانفليڪٽ آف انٽرسٽ هو، توهان نيب نيازي ڳٺ جوڙ ۾ ملوث هئا. هن چيو ته ثاقب نثار جنهن عهدي تي هو، ان تي قانون اجازت نه ٿو ڏي ته هو اهڙي طرح جون ملاقاتون ڪري. هن چيو ته ثاقب نثار عمران خان کي صادق ۽ امين ڊڪليئر ڪيو ۽ هاڻي چئي رهيو آهي ته مون پورو صادق ۽ امين ڊڪليئر نه ڪيو، هي ملڪي تاريخ جو پهريون صادق ۽ امين آهي جيڪو پورو ڊڪليئر نه ٿيو، عمران خان ايترو ڪوڙو شخص آهي جنهن کي صادق ۽ امين ڊڪليئر ڪندڙ شخص به چوي ٿو ته مون پورو صادق ۽ امين ڊڪليئر نه ڪيو، هي والد به اڌ آهي ۽ صادق ۽ امين به اڌ آهي. اطلاعات واري وفاقي وزير چيو ته ثاقب نثار عمران خان جو گهر غلط رڪارڊ تي ريگيولرائيز ڪرايو، پي ٽي آءِ جي اليڪشن ڪمپين هلائي ۽ چوي ٿو ته ٻين جا ٻار بي ادب آهن. هن چيو ته ٻين جا ٻار بي ادب نه آهن توهان جي توهين آميز فيصلن جي ڪري ائين ٿي رهيو آهي جنهن جو اعتراف توهان پاڻ ڪيو آهي ته مون غلط فيصلا ڪيا هئا جيڪي اداري جي توهين جو سبب بڻيا. هن چيو ته مريم نواز بهادري سان ميدان ۾ موجود آهي. ثاقب نثار چيف جسٽس آف پاڪستان جي اعليٰ عهدي تي فائز رهيو آهي، ان تي الزام هنيا آهن، ان کي خبر آهي ته ان تي لڳندڙ الزام سچا آهن انهي لاءِ هو اعتراف ڪري رهيو آهي ته هو عمران خان سان مليو هو. هن چيو ته ثاقب نثار جي فيصلن سان پاڪستان جي ايندڙ نسلن جو مستقبل ڪمپرومائز ٿيو آهي. ثاقب نثار جي دل کي خبر آهي ته توهان چيف جسٽس آف ان جسٽس آف پاڪستان هئا. ان کي خبر آهي ته ان جا سمورا فيصلا ان جي اداري جي توهين جو سبب بڻيا آهن. هن پنهنجي قلم سان تضحيڪ آميز فيصلا ڪيا. هن چيو ته مريم نواز پاڪستان جي 22 ڪروڙ عوام آڏو الزام نه هڻي رهي آهي پر ثبوت پيش ڪري رهي آهي جنهن کي توهان مڃي به رهيا آهيو، اڄ تائين ڪنهن ان جي نفي ناهي ڪئي، سڀ اعتراف ڪري رهيا آهن، ڪير نه چئي رهيو آهي ته اهو نه ٿيو هو. ثاقب نثار پاڻ چئي رهيو آهي ته مون صادق ۽ امين جو پورو فيصلو نه ڏنو هو. هن چيو ته ثاقب نثار پنهنجي اداري ۽ عهدي جي بي ادبي ڪئي، جيڪڏهن هو سمجهي ٿو ته ان جي توهين ٿي رهي آهي ۽ ان تي جيڪي الزام لڳي رهيا آهن ان وٽ ثبوت آهن ته هو سامهون آڻي. اطلاعات واري وفاقي وزير چيو ته ثاقب نثار پاڪ ڪڊني اينڊ ليور انسٽيٽيوٽ اينڊ ريسرچ سينٽر کي بند ڪيو، ماڻهن جا ڪڊني جا آپريشن رڪجي ويا، ڪيترن ئي ماڻهن جون فوتگيون ٿيون، جن جا آپريشن نه ٿيا اهي زندگيُون هارائي ويا، ڇا انهن ج?? وارث توهان کي دعائون ڏيندا يا بددعائون؟ هڪ هلندڙ اسپتال توهان پنهنجي اناءَ ۽ فائدي جي لاءِ بند ڪري ڇڏي. اطلاعات واري وفاقي وزير چيو ته عمران خان چار سان معيشت کي تباهه ڪيو، ماڻهن کي غريب ڪري ويو، بيروزگار ڪيو، اٽو، کنڊ، بجلي، گئس ۽ دوائن تائين مهانگيون ڪري ڇڏيون، هي شخص چاهي ئي نه ٿو ته پاڪستان جي عوام کي ريليف ملي، هي شخص چوي ٿو ته هو وزيراعظم بڻجندو ڇو ته ان کي وڌيڪ چوريون ڪرڻيون آهن ۽ ملڪ کي وڌيڪ تباهه ڪرڻو آهي. ان جي بيگم کي وڌيڪ هيرا وٺڻا آهن، 190 ملين کي 290 ملين ڪرڻو آهي. هن چيو ته 50 لک گهر ۽ هڪ ڪروڙ نوڪريون ته هن ڏنيون ئي نه، هن کي ڪستو ٽوڙڻو هو ۽ ملڪ جو تاريخي قرض وٺي هليو ويو. هن چيو ته پاڪستان جي عوام ڄاڻي ٿي ته ملڪ کي مهانگائي مان سدائين مسلم ليگ (ن) ۽ نواز شريف ڪڍيو آهي. نواز شريف 22 ڪلاڪن جي لوڊشيڊنگ ختم ڪئي، ملڪ جي سمورين ڌرين کي پاڻ ۾ ڳنڍيو، ??ست?? ٺاهيا، ڪاروبار ٺاهيا، ملڪ مان دهشتگردي جو خاتمو ڪيو جڏهن ته ٻئي طرف عمران خان پنجاب جي اندر ويهي ماڻهن کي تشدد تي اتساهيو آهي. هن چيو ته پاڪستان جي نوجوانن کي به خبر آهي ته جنهن ميٽرو تي ويهي انهن کي اسڪول، ڪاليج، يونيورسٽي ۽ روزگار تي وڃڻو آهي، اها پبلڪ ٽرانسپورٽ رڳو شهباز شريف ٺاهي سگهي ٿو. هن چيو ته عمران خان ٻهروپيو آهي، هي سازشي آهي، اڳ ۾ به هي ڊي چوڪ تي ويهي چونڊيل وزيراعظم کي هٽائڻ جي سازشن ۾ ملوث هو ۽ امپائر جي اشاري جو انتظار ڪري رهيو هو، عوام ان کي چڱي طرح سڃاڻي ٿي. پنجاب جي اليڪشن ٿي رهي آهي جنهن ۾ هي پنهنجي سياست چمڪائڻ چاهي رهيو آهي، ڪالهه لاهور ۾ ننهي مني ريلي کي عوام رد ڪري ڇڏيو آهي، هاڻي ان جي ڪا سياسي چال ڪامياب نه ٿي ٿي سگهي. هي ملڪ ۾ افراتفري ۽ گهرو ويڙهه چاهي ٿو، ڪمري ۾ ويهي ماڻهن جا لاش ڪرندي ڏسڻ چاهي ٿو، پي ٽي آءِ جي پوري قيادت لاهور ۾ گهرن ۾ ويهي تماشو ڏسي رهي آهي. هن چيو ته پاڪستان جا نوجوان عمران خان جي سازش جو حصو نه بڻجندا.